حظك اليوم والابراج اليومية الثلاثاء 22/8/2017 وتعرف على افضل شريك لك وارقام الحظ واكتشافات مثيرة اليوم
حظك اليوم والابراج اليومية الثلاثاء 22/8/2017 وتعرف على افضل شريك لك وارقام الحظ واكتشافات مثيرة اليوم
حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..
ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.
ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..
إفتكر الكلام دا وانت بتقرا حظك اليوم النهاردة وبكرة وكل يوم ياريت ..
وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..
الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..
تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..
تحياتنا الدائمة.
حظك اليوم برج الحوت
عاطفياً:
النهاردة اجازة بالنسبالك..يعني مفيش شغل المفروض يتعمل من اي نوع..وياريت متاخدش الاجازة دي وتفضل برضة تفكر ف الشغل
برج الحوت عملياً:
متكشرش ف وش حد النهاردة
برج الحوت صحياً:
الجو مش حلو والرطوبة بتعاملنا معاملة مرات الاب بس نقدر نفرفش حبة النهاردة لو حبينا..مش نركن ونتستسلم ونتنكد يابرنس
حظك اليوم الجو مش حلو والرطوبة بتعاملنا معاملة مرات الاب بس نقدر نفرفش حبة النهاردة لو حبينا..مش نركن ونتستسلم ونتنكد يابرنس
حظك اليوم برج الحمل
عاطفياً:
محدش يحتل وقتك ولا مشاعرك بالكدب او بالخداع..محدش يحطك على الرف..محدش يقولك امتى تحب وامتى تسكت وامتى تزهق وتمشي..دي كلها حاجات انتا بس اللي تحددها ف حياتك
برج الحمل عملياً:
سواء كانت صداقة او حب او معرفة الاحترام مطلوب ويعتبر اهم من كل الحاجات دي وارضية للتعامل طويل الآمد..دة طبعا لو حابين يتعاملوا معاك تعامل طويل الآمد..لو مش حابين براحتهم..مش فارقة
برج الحمل صحياً:
انتا مش تسالي لحد..إفتكر دة كويس
متوافق مع الابراج اللي تحترمك قبل ماتحبك
الثور : من 21 ابريل إلى 20 مايو
حظك اليوم برج الثور
عاطفياً:
متربكش نفسك بتخطيط كتير ف خيالك للي المفروض تقوله وتعمله لما تشوف اللي بتحبهم..سيب نفسك لإحساسك احسن..اهم حاجة متحدفش دبش ف الكلام ترجع تندم عليه..غير كدة اتطمن..كله حلو
برج الثور عملياً:
يوم مناسي عشان تحط فيه كل الخطط والاهداف ترتب الاولويات اللي مش هتعمل منها اي حاجة باقي الاسبوع..جميل والله..استمر
برج الثور صحياً:
مش مهم اي حاجة طالما شعرك جميل النهاردة وشكله شيك ف المراية
متوافق مع الابراج اللي تقدر جمالك شعرك النهاردة وجمال تفاصيلك
حظك اليوم الجوزاء
برج الجوزاء عاطفياً:
فكك من اللي يشكك..دة شعار المشاعر النهاردة..اللي ميقدركش ويعرف قيمتك مالوش لازمة ف حياتك
برج الجوزاء عملياً:
ادي الحياة بالروصية ف مناخيرها ومتخافش من اي حاجة النهاردة
برج الجوزاء صحياً:
حط بارفان قبل ماتنام عشان هتتباس ف الحلم النهاردة..بوسة حلوة ف الطريق إليك..إستعد
متوافق مع الابراج الهوائية
حظك اليوم برج السرطان
عاطفياً:
مسسبات السعادة البسيطة والمرح اللطيف بتتلخص ف الاكل والفلوس والنوم والقهوة والشيكولاتة والقراية والطموح بالنسبالك..محدش جاب سيرة الحب خالص اهو عشان متزعلش
برج السرطان عملياً:
اعمل فشار واقعد اتفرج على الناس اللى غاوية تعمل عليك افلام طول الوقت..حقك تتسلى حبة بصراحة
برج السرطان صحياً:
صحتك بمب بس محتاج شوية ليونة..اعمل اي نشاط يفك عضلاتك النهاردة لمدة ربع ساعة وبعد كدة كسل باقي اليوم براحتك محدش له عندك حاجة
متوافق مع الابراج النشيطة اللي تشجعك مش تحبطك
عاطفياً:
الاسد ملك الغابة اه بس مراته هي اللي بتخرج تصطاد..افتكر دة كويس وانتا بتقول انك بتعمل كل حاجة لوحدك
برج الأسد عملياً:
مهم تدي كل واحد حقه زي مابتاخد حقك..مهم تبقى حقاني مش باصص لنفسك وبس
برج الأسد صحياً:
الكلام الحلو مش بفلوس..استخدمه شوية وبحبحها على حبايبك حبة مش كدة
حظك اليوم برج العذراء
عاطفياً:
متنكد ليه وقاعد حزين..دة بدل ماتعمل زي بريطانيا وتتعلم الدرس كويس برضة
برج العذراء عملياً:
محتاج تنفض لكل حاجة وتخش سينما النهاردة
برج العذراء صحياً:
اليوم مناسب للصواني وللبطاطس المحمرة..أيهما اقرب
متوافق البطاطس المحمرة
حظك اليوم برج الميزان
عاطفياً:
الاوفر ثينكينج مش حجة عشان تغرق ف بحور النكد وتسقي فيه وتغمس بأفكارك
برج الميزان عملياً:
كبر دماغك وانزل اتمشى بالليل..اضرب كل حاجة برطوشة وانزل
برج الميزان صحياً:
متفطرش نفسيتك على نكد او استعداد للنكد..مش معنى انك صاحي ضارب بوز ان العالم هو كمان ضارب بوز..خد وقتك وفرفش اول ماتصحى وفوق على مهلك..مفيش حاجة مهمة النهاردة
حظك اليوم برج العقرب
عاطفياً:
متاخدش الكلام على صدرك عشان ميتأثرش..اليومين دول والجو رطوبة وحر ومش ناقص
برج العقرب عملياً:
حلو وحاسس انك حلو وفرحان بحلاوتك..قشطة براحتك..بس متقرفناش معاك والنبي
برج العقرب صحياً:
صحتك محتاج اهتمام وانتا مطنش عشان خايف تروح للدكتور..بالذمة دي كلام؟
حظك اليوم برج القوس
عاطفياً:
ابعد عن السياسة الخارجية وانشغل بسياستك الداخلية احسن..نفسيتك محتاجة اهتمام منك مش حب من حد براني النهاردة
برج القوس عملياً:
اليوم مناسب لعمل لأ شيء النهاردة..ودة ممكن تعتبره فرصة وتعمل اي حاجة نفسك فيها وبتبسطك
برج القوس صحياً:
وليه متريحش النهاردة ومتعملش اي حاجة من اي نوع..ليه لازم تعمل حاجة وخلاص..جرب وخد النهاردة اجازة..جايز تنبسط لما تريح حبة وخصوصا انك مبتنامش كويس
حظك اليوم برج الجدي
عاطفياً:
كرم اخلاقك بيفرق مع الناس اللي حواليك..خد بالك من الموضوع دة حتى لو محدش اهتم يقولك عليه
برج الجدي عملياً:
ابعد عن اللون الاصفر ف كل حاجة النهاردة..خصوصا ف الهدوم او ف الحيطان..انما ف الاكل قشطة ميضرش
برج الجدي صحياً:
متروحش ف حتة مبتحبهاش النهاردة..انتا مش ناقص اكتئاب
حظك اليوم برج الدلو
عاطفياً:
عجبك الحب القديم ولا لأ
برج الدلو عملياً:
اللي يفاصلك ف اصحابك عشان يقابلك ف التليفون اعرف انه مش عاوز يقابلك..انتا بتحب الفصال اه بس مش بالطريقة دي
برج الدلو صحياً:
عمرك ماهتعرف تتحط ف قالب على مزاج حد..ريح نفسك
ليست هناك تعليقات :
إرسال تعليق